工聯會(工記)每年都會為獨居長者舉辦團年宴,尋日舉辦第二場,主要招待嚟自新界西嘅獨居長者。立法會議員黃國健(KK)繼上周後再度擔任司儀,據聞工記內部有指佢近期有司儀癮而獨霸司儀一職,但佢尋日喺台上竟然「甩轆」。
KK話喺上月為藍田嘅辦事處開幕時先首次擔任司儀,覺得能夠慳番致詞時間,更有效控制活動時間,所以先會繼續擔當今次活動司儀。佢又認為台上嘅發言並唔係長者最感興趣嘅環節,所以需要有效控制流程,畀大家有更多時間到台下同長者交流。
但佢亦坦言,工記中有其他人士希望喺活動上多發言,增加一下曝光率,所以由佢出任司儀能夠避免拗撬,可以公平分配時間。
新任政務司司長張建宗尋日出席團年宴,擔任司儀嘅KK就甩轆,竟然改唔到口,繼續稱呼張建宗為局長,要張建宗幫口叫大家可以直呼其名,因為姓名永遠都唔會變。而KK之後就打圓場,笑稱張建宗下次可能再上一層樓,總算令活動未有出現冷場。
人人做記者 爆料方法 : | 爆料熱線: | (852) 3600 3600 | 電 郵: | news@opg.com.hk | 網上爆料 |
傳 真: | (852) 3600 8800 | 手機網站: | m.on.cc | ||
SMS: | (852) 6500 6500 | MMS: | ireport@on.cc |