政情：公民講場：靠包裝警示控煙 陳肇始大想頭

香港每年有逾六千人因吸煙引發嘅疾病而死亡，署理食物及衞生局局長陳肇始尋日就話，打算增加煙包警示面積至百分之八十五，而警示圖像款式亦由六個增加到十二個，希望能夠提升煙民戒煙意欲同減低吸煙率喎。佢仲話，香港有近十年未調整警示面積，強調已經平衡各方面。其實要煙民戒煙，淨係用警示一味靠嚇並唔足夠，如果政府唔做好研究同教育配合，睇怕將煙包警示面積加到百分之一百，都減低唔到吸煙率囉！