政情：工聯會五議員 「團結」退委員會

冧友爭位後稱公務繁重

工聯會五名立法會議員黃國健、麥美娟、郭偉強、陸頌雄同何啟明，喺信中話自開局以來公務甚為繁重，為調節工作安排而決定退出委員會。委員會主席葛珮帆已接納佢哋嘅申請，現時委員會只剩下三十四名議員，而工聯會更加係完全冇代表喺裏面。

翻查上屆紀錄，麥美娟曾喺一五至一六年度短暫加入過資訊科技及廣播事務委員會，但喺今年一月中退出，而其餘三年都冇工聯會成員加入，所以相信五人一齊退出，亦唔影響工聯會喺議會內嘅工作。