探射燈：租平場寬 band友寧揀工廈
「最主要係租平，同埋已經形成咗Community（社區）！」不少香港夾band發燒友，選擇租借工廈單位以作樂隊練習場地，對康文署轄下音樂練習室，嗤之以鼻，擔任一樂隊主音十年的阿文表示，現時大部分band友都是租工廈單位作為練習室，「好多單位，月租約五千蚊，平均每日唔使兩百蚊，同署方嘅音樂練習室每小時九十蚊比較，便宜好多。」
阿文指，工廈單位場地十分寬敞，方便樂隊放置大型樂器及裝置，band友可以在一個固定，而且二十四小時也容許的地方練習。「呢啲練習場，主要集中喺觀塘、牛頭角及火炭嘅工廈單位，由於聚咗好多band，已形成咗一個Community。」他相信，這有利不同樂隊交流，互相切磋，推動本土音樂發展。同時，工廈單位亦可用作小型音樂會，「自己租嘅地方，始終係唔同啲。」