- on.cc 東網主頁
- 5月9日 (五)
香港樓價貴，唔少年輕人都慨嘆「上車難」，「上樓靠父幹」需要父母協助先可以成功置業。不過，立法會進出口界議員黃定光（象哥）就喺立法會大呻一一年繼承先父位於深水埗嘅地舖物業後，因物業維修消防設備問題屢被票控同罰款，問題至今都未解決。唔通物業呢樣嘢真係「有又煩、冇又煩」？
立法會尋日辯論促請政府修改消防條例嘅議員議案。象哥發言時以親身經歷分享話，佢繼承先父嘅地舖物業冇耐，就收到消防處關於維修消防設備嘅通知，其後亦收到關於大廈驗樓、驗窗嘅命令通知。佢「好心急」維修，但係舊樓業權混亂，冇辦法搵到大廈其他業主，之後佢曾經五次籌備成立業主立案法團，結果都係只得佢出席。
象哥自爆，佢曾經喺一一年同一四年先後兩次畀機電工程署票控，每次罰款一百蚊，之後再請律師為大廈查冊，亦冇辦法搵到其他業主，大呻︰「我都已經盡力去做啦！」批評現行條例荒謬，認為當法例係難以或無法執行時就應該修例，唔知當局會唔會接受議員嘅意見呢？
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
