政情:貪靚卿姐 同款錶掃晒九隻色

前立法會議員劉慧卿(卿姐)結束廿五年議會生涯,多咗時間自不然會行街買吓衫。早前喺一個場合見到卿姐,佢嘅耳環、襯衫同手錶都襯晒黃色,非常搶眼;估唔到過幾日再喺其他場合見到佢,就好似「變色龍」咁變晒橙色,隻錶仲要同上次同款添!

價錢平 易襯衫

卿姐笑住話,因為隻錶好靚,所以一次過掃晒九隻色。雖然好多女士買嘢時都有選擇困難症,揀唔到色就索性買齊,但係卿姐就話自己做事好決斷,係因為隻錶夠平,顏色選擇多,貪易襯衫先買齊唔同色喎!

第一手消息請下載on.cc東網iPhone/iPad/Android/Windows Phone Apps