中央以釋法遏止日益囂張的港獨思潮，全國人大常委會副秘書長兼基本法委員會主任李飛甚至表明，提倡民族自決也是港獨，在參選層面已禁止進場。北大人此言一出，嚇到平時「牙斬斬」嘅「自決派」議員心驚膽戰，表面上斥責北京意圖藉港獨把釋法變立法，實際上有得震冇得瞓，最怕失去每月十多萬元薪津的立法會議員資格！
「邪惡教授」就話喇：今次釋法明目張膽，違法地破壞香港法治及中國法治，港人必須站出來喝止侵害香港法治的一切行為，及以具體行動去守護香港法治。真係唔講好地地，一講把鬼火！最明目張膽破壞香港法治嘅就係你哋呢啲發起佔領運動嘅搞手，搞到社會撕裂，加速年輕人激進抗爭冇底線，令有些年輕人誤以為港獨可以靠佔領去爭取，舉舉龍獅旗民族自決就會到來。
再加上冇神經政府優柔寡斷，船頭驚鬼船尾驚賊，致使港獨分子有恃無恐，公開叫喊口號，成個「民族英雄」咁款。而一些不知所謂嘅泛民政客更聲大夾惡，甚麼「不守法不等於不尊重法治」，簡直野蠻粗鄙，這不是雙重標準又是甚麼？何以人大釋法就係破壞「一國兩制」，而對於某些反對派議員嘅歪理卻不置一詞？
你哋呢班自以為「正義」化身者，眼中除了見到所謂「中央粗暴推倒香港司法制度」，又睇唔睇到司法制度嘅問題？公然破壞社會秩序嘅年輕人，可以輕判社會服務令或緩刑，並贏得法官稱讚「滿腔熱誠關心社會」，香港社會之所以愈來愈小學雞，不就是是非不分衍生出來的惡果嗎？你們難道睇唔到所謂反釋法遊行變成小學雞「野貓式」自由行動、衝擊中聯辦的非法活動嗎？藍色貴族們，是魔鬼就讓他們回到自己深掘的地獄吧，不要把「正義」變成輕於鴻毛的笑話，香港已經夠折騰了。