政情：馬仁威中完名錶 中六合彩二獎

話說Kelvin嘅太太周不時都會貼中貼士，嗰日佢哋盃賽期間玩遊戲就誤打誤撞填錯飛，咁啱估中咗其中一場賽事賽果，獲頒一隻名錶，但由於佢哋當日有嘢做，所以大會頒獎嘅時候佢哋已經走咗，而獎項又唔可以代領，最後惟有拱手讓人。一心諗住手錶都未必啱自己戴嘅Kelvin本來仲淡淡然，唔覺得可惜，點估到冇咗隻錶之後過兩日反而中咗六合彩，仲係人生中第一次中二獎，比中隻錶仲開心喎。

每朝跑步游水身形弗

一向着衫好睇嘅Kelvin仲話，身形弗其實係有代價，除咗平日唔飲酒外，佢每朝更會定時定候游水及跑步各一小時，十七年如一日。講起時裝，佢話港人對法國等其他文化都好有認識，反而對意大利文化研究較少，其實意大利手工好好，佢卡片都專登搵意大利師傅造，推廣吓意大利文化喎。