政情：建制「小花」 搶攻網絡宣傳

睇番民記尋日喺立法會直播條片，當中用咗多個鏡頭、多個角度，而議員都會用手機喺會議廳內直播，呢啲咁近距離嘅角度真係要議員先影到嘞，而「小花」黃冰芬尋日仲旁述立法會情況，但只係聲音導航，冇樣嘅，要喺其他訪問立法會議員嘅片段中，先見到小花真身。

陳學鋒自言保守 仍需摸索

陳學鋒強調未決定未來係咪繼續用呢種做法，又承認負責網絡嘅團隊，之前做開啲較傳統嘅公關工作，對於網絡語言仍需摸索，熟悉呢類網絡語言嘅年輕人，多數都較親泛民，另一方面，自己亦較保守，有時團隊嘅諗法未必過到佢嗰關，佢亦曾經試過叫停一啲貼文，但網絡世界係未來傳播嘅大趨勢，唔可以唔開始做，預期都要多啲時間試吓，點樣先係最適合民記。