中環出更：示威者一日三轟漢奸黎黑金禍港
反壹傳媒黎智英（漢奸黎）嘅行動浪接浪，約三十名示威人士尋日三度踩上漢奸黎寓所外示威，佢哋拉起印有「千古罪人黎智英 反中亂港壹傳媒」、「反黑金 反操縱選舉」及「禍港4人幫 佔中幕後黨」等橫額及標語，怒轟漢奸黎黑金禍亂香港。
約三十人自發到場
三十名聲稱自發嘅人士尋日朝早約十時許抵達漢奸黎位於何文田嘅寓所外，佢哋拉起印有「黑金政治 禍亂香港」、「千古罪人黎智英 反中亂港壹傳媒」、「反黑金 反操縱選舉」及「禍港4人幫 佔中幕後黨」等橫額同標語，並大叫「黑金政治 禍亂香港」口號。警員喺十時半左右抵達現場，示威者一度離開，半小時後又再折返現場，繼續示威，逗留至十一時十分左右離去。及至下晝二時半左右，示威者又再折返繼續示威。
近期針對漢奸黎嘅示威行動不絕，自六月十日起計，連尋日行動在內，到漢奸黎寓所及將軍澳壹傳媒大樓外示威嘅行動最少達七十二次，當中自稱霸王國際集團員工及苦主佔十次、正義聯盟佔三次，旅遊業界及其他人士佔五十九次。
卓妮