立法會盛產小學雞議員，今年似乎又特別多。事實上，除了無知無恥外，其行為及識見令人反感，當中更不乏是為人師表嘅大學導師，像鄭松泰和劉小麗，若然大家以為「學者論政」，議事水平會有所提高，恐怕要大失所望。老朽之前已略談劉小麗之宣誓如死唔斷氣，佢自己解釋龜速宣誓係「表達虛妄」，一個連宣誓都追求虛妄嘅「小麗老師」，其組織叫「小麗民主教室」，跟住老師龜速學，會教出甚麼貨色？
至於那個鄭松泰，其「倒插國旗及區旗」之惡行，老朽前文已怒斥其「豈止行為不檢咁簡單」。身為立法會議員，公然侮辱國旗及區旗，無疑做了十分壞的示範。有人在網上說看到臉書有個令人不安的事例：有學生說「講錯嘢啫，使唔使午門抄斬誅九族？」學生無知也算了，最恐怖的是連學校的老師也和學生一起開玩笑，有中學教師在課堂跟學生玩問答遊戲：「考吓你哋，中國英文點讀？」「支那！」學生玩嘢，老師陪笑：「你哋咁講，冇得做議員o架！」述者感慨這是回歸十九年香港教育制度下親手栽培出來的怪物。
對此，老朽又不盡同意，皆因一個人德之不修，很大程度是自己的墮落。晉代傅咸的《污卮賦》開篇即云：人有遺餘琉璃卮者，小兒竊弄，墮之不潔。意即惜之，又感物之污辱，乃喪其所以為寶，況君子行身而可以有玷乎！傅氏寫其琉璃酒杯給小孩偷了去玩耍，不慎墮落污穢之中，本來晶瑩剔透的寶物，一下子變得骯髒，作者由是感悟君子當潔身自好、立身行事不可不慎，人格修養對任何時代的人都是有意義的。
今觀乎立法會多大德不稱位者，小學雞有之，人鬼難分者有之，若加上賞罰不當，不祥莫大焉。議事堂搞到烏煙瘴氣，老朽是以斗膽批之曰：知香港不可為。當然，再加上「能不稱官」，香港若有可為，老襯亭必有鳳凰來儀，大帽山必甘露下降也。