政情：今日你上鏡：照派舊卡片 卿姐夠環保

立法會前議員劉慧卿（卿姐）早前出席活動時，向嘉賓一邊派卡片，一邊話自己好環保，仔細睇一睇，原來卿姐將以前做議員嘅卡片，用原子筆刪去「立法會議員」呢幾個字，寫上自己嘅電話號碼，而背面就刪去一堆辦事處聯絡資料。咁啱卿姐出席活動當日，着住同卡片張相一樣嘅粉紅色西裝褸，卿姐就笑笑口話，佢好多衫都着好多年，好環保o架，唔好淨係提住佢嗰條性感吊帶裙喎，認真風趣！