政情：公民講場：撤MPF對沖冇影 工聯會窮追CY

特首梁振英（CY）當選前喺競選政綱中承諾取消強積金對沖機制，討得有相同訴求嘅工聯會歡心，成功氹得對方支持。點知CY上任四年，取消對沖冇晒影，施政報告更加隻字不提。工聯會喺立法會選舉之後全力追數，上月底同CY會面對質，逼到CY應承任內處理。不過，工聯會見過鬼仲唔怕黑咩，趁尋日向CY表達最後一份施政報告意見時，再提對沖問題，政府先肯成立小組跟進。網民成日話「叫人還錢慘過乞米」，工聯會幾年來頻頻追數，相信非常認同嘞！