政情：公民講場：食盡兩家茶禮 陳沛然 自尋煩惱

本報早前都講過，自稱「中間偏黃」嘅立法會醫學界議員陳沛然，都被加入建制派及泛民主派嘅WhatsApp群組，佢近日接受傳媒訪問時話行內醫生「偏黃」、「偏藍」各佔一半，自己可以企中間就最好，但就好似踩鋼線，唔知可以支撐幾耐。雖然食兩家茶禮，但佢就強調唔係只想收料而唔幫忙，又自稱好口密，唔會做爆料人喎。政治一日都嫌長，企中間無市場，人哋可能當你係無間道，食兩家茶禮因住食滯兼嘔凸呀！不過，既然佢行得呢條路，相信都幾忙吓，難怪向立法會申報由今個月起只係做半職醫生嘞！