老幼同行 租艇客「執番身彩」
【本報訊】「上咗船先着火就麻煩！」起火焚毀的遊艇原定接周先生及其親友一行二十多人出海遊玩，惟在上船之前起火，幸他們未夠鐘上船而避過一劫，周事後大呼好彩，坦言：「真係執番身彩，因為同行有老人家，又有小朋友，上咗船先着火就麻煩！」至於遊艇船員則苦笑稱：「船就好過樓嘅，起碼都可以跳海走人嘛，樓就冇得跳！」
周先生講述事件時猶有餘悸，指原本趁假期租用遊艇出海釣魚及玩水上活動，租船費用約九千多元，抵達碼頭附近目睹有船冒煙，直言：「開頭睇唔到係架咩船嚟嘅。」惟待濃煙吹散，他見到起火遊艇後便心中一沉，並說：「對番船家畀我哋啲相，覺得好似，之後再打電話問，先確定起火架遊艇就係我哋租嘅！」對方稱因火警致未能出海，亦無後備遊艇，故退錢給他。他感到十分無奈，會到其他地方釣魚。
船員稱引擎冇着
另外，在該遊艇工作的馬先生指，事發時遊艇未有開動，並說：「當時引擎冇着，發電機着咗，預備開船同落客。」火警發生後，同樣泊在避風塘內的船家即時「搵啲小艇拖（遊艇）出嚟」，他當時亦有在小艇上協助。他指自己不是老闆，不知道損失多少，現時亦不知何處首先起火及起火原因。