最低工資問題一直有好大爭議，勞資雙方喺工資水平上往往難以達成共識。最低工資委員會主席翟紹唐（翟少）尋日開完集思會之後話，有信心勞資雙方代表可以達成共識，而委員會將會喺下月底向特首提交檢討報告，新水平預計會喺明年五月起實施添。雖然翟少話會參考多方面數據作為討論依歸，但現時商界要求凍結最低工資時薪，維持三十二點五元，但勞方就希望時薪加至三十六元以上，差距相當大，唔知翟少拆唔拆得掂呢？
