韓國嗰套《屍殺列車》好恐怖？空想世界嘅喪屍出現喺列車有幾恐怖，都及唔上日本電車內出現嘅癡漢咁得人驚。日本人口中嘅「電車」同我哋所認識嘅「叮叮」唔同，佢泛指所有地上同地下鐵道運輸載具。由於日本電車喺繁忙時段經常人逼人，因此成為癡漢出沒熱點。日本AV中嘅癡漢大家就見得多，只係現實世界中嘅癡漢世界，大家又知幾多呢？
大家知唔知日本咁多條鐵道線中，邊一條係癡漢出沒嘅主要路線呢？綜合各個日本論壇關於電車癡漢出沒點嘅結果，佢哋公認東京嘅埼京線係最強癡漢出沒鐵道線！原來埼京線人流量高踞全日本第2位，每個站車程相距時間唔長又唔短，最啱癡漢出手後，喺下一個站閃人。
至今山手線嘅人流最多，點解反而唔係熱點呢？由於每個站相距較短，令癡漢唔係咁易落手。
電車癡漢經常成為日本AV嘅題材，只係大家知唔知喺日本人心目中，最經典嘅電車癡漢色情電影係邊套呢？答案就係由日本著名導演瀧田洋二郎喺1982年至1985年推出嘅《癡漢電車》系列。喺1955年於日本富山縣出生嘅佢，1976年加入色情電影製作公司「獅子」做副導演，1981年以導演身份執導鹹片，至1986年離開鹹片界前，佢共執導咗30部鹹片，而《癡漢電車》系列更係佢嘅代表作。話時話，瀧田洋二郎個名係咪有啲耳熟呢？因為佢就係《禮儀師之奏鳴曲》個導演。
據稱當時日本社會已有電車癡漢問題，因此引起佢嘅注意，並創作出系列頭炮作《癡漢電車 愈來愈多》。可惜宣傳不足，反應麻麻，及至第二部作品《癡漢電車 滿員如豆袋》搵嚟蘭堂星瑠、麻生兔同陽音梨彩演出，加上這個社會問題備受關注，令作品人氣急升，而呢個系列共推出咗11套作品。
理論上冇女士想遇到電車癡漢，只係有個人卻與別不同，曾表示過希望被電車癡漢侵犯，佢就係日本AV女優葵。話說佢宣傳擔演AV片廠S1作品《癡漢願望之女 變態女教師編》時，自爆經常幻想喺電車被癡漢摸手摸腳，甚至更深入咁進攻。不過，大家都知道AV女優為咗宣傳，真係幾大膽嘅說話都講得出。雖然係咁，一眾網絡癡漢聞言後，即時搞咗個網絡投票，就係「假設我係電車癡漢，最想遇到邊個AV女優？」結果，大家都估到啦！
電車癡漢呢個題材唔單止拍成AV，仲成為十八禁電腦遊戲嘅題材，而當中最具人氣就要數《最終癡漢電車》系列。呢個由日本成人遊戲開發商TEAM HEARTBEAT，喺2001年10月推出嘅AVG遊戲系列，頭炮作《最終癡漢電車》推出後掀起成人遊戲嘅熱潮，據遊戲零售商指當時不斷翻貨都唔夠賣，除咗因為遊戲題材吸引，一眾美少女角色亦功不可沒。
2003年12月TEAM HEARTBEAT推出續集《最終癡漢電車 2》，大賣之餘，喺同年嘅「Getchu.com 美少女遊戲大賞」中獲得最佳H場面獎第3名，而喺2010年12月推出第3集《最終癡漢電車 3》，更喺「Getchu.com 美少女遊戲大賞」榮獲最佳色情作品冠軍。
日本對電車癡漢呢個題材可以玩得幾盡？就係連風俗店都以佢為主題！唔好以為呢啲風俗店好少，事實上喺新宿、上野、橫濱等地都可以搵到呢啲風俗店。為咗畀到一班真假電車癡漢感受到好似搭緊電車，風俗店會將房間布置成車廂一樣，相當用心。
一般會喺房度用鋼管搭兩條柱，再掛個扶手吊上去，最多裝個假車窗喺牆身，不過一間位於橫濱嘅電車癡漢風俗店「Rush Hour」，不但將房間裝修到真車廂咁款，更分成唔同嘅鐵道線車廂，仲播放埋電車行駛聲，呢啲咪叫做誠意囉！
電車癡漢係日本一個長期嘅問題，好似幽靈般喺電車出沒嘅鹹濕佬，而喺上世紀70、80年代就曾經出現由一男一女組成嘅老屈黨，專門老屈懦弱男士非禮，然後進行敲詐。於2000年12月來往東京市郊嘅京王電鐵喺深夜加開女性專用列車，其後JR東日本嘅埼京線、JR西日本、阪急電鐵等亦先後推出女性專用列車及專用車廂。另外，警方亦加上打擊癡漢活動。不過唔少女性仍投訴客運高峰時段，女性專用列車及車廂仍然不足，加上日女性較為被動及保守關係，遇上癡漢往往唔敢出聲，只係有總比冇好得多。
撰文：魂