政情:公民講場:公屋免租否 官字兩個口

全港公屋租戶好快又要被加租,而且仲會加成一成。運輸及房屋局局長張炳良解釋,今次加租主因係租戶嘅平均收入上升,所以唔會好似過往咁一手加租、一手又免租一個月抵銷,咁房委會嘅赤字就會反彈到二十億元。按照同一道理,咁上年度又錄得可觀盈餘嘅特區政府,就唔應該終止預算案嘅寬免公屋租金措施喇?唔該張炳良同財政司司長曾俊華搞清楚啲理財哲學同派糖邏輯先,唔好官字兩個口噏得就噏!

第一手消息請下載on.cc東網iPhone/iPad/Android/Windows Phone Apps