政情：公民講場：事先張揚抄牌 執法效果成疑

為咗紓緩交通擠塞嘅問題，警方預告尋日起展開為期一周嘅全港性交通執法行動，大派「牛肉乾」打擊違例泊車及在禁區上落客等違規行為，執法人員喺不予警告下即時票控司機。不過，警方呢種預告式事先張揚執法方式，阻嚇性成疑，當一星期執法行動過後，下星期又再故態復萌違例泊車及在禁區上落客，令道路繼續塞塞塞。老實講，與其做埋呢啲效果有限嘅門面騷，倒不如持續不定期做多啲突擊執法行動，之後再公布違例數字，相信阻嚇性更大。