政情：鬧交當情趣 何君堯自爆怕老婆

瘋狂打機 太太堅嬲

佢話曾經試過打機打到不知時候，太太坐喺旁邊，自己完全冇同對方傾偈，太太覺得似被忽視，突然發訊息畀佢話：「好喇喎，你打機打夠喇喎，應該要停喇喎」，佢就怕到即刻停止打機，相當聽話。佢話本港離婚率有近四成，能夠結為夫婦要懂得珍惜，最重要係互相遷就、尊重同包容。

另外，佢最近喺社交網站上載咗一張喺法院大樓內自拍嘅照片，司法機構已經將有關事件轉交警方跟進同處理，佢就對事件封口不談，並指「有啲嘢你知發生緊，少講為佳，等啲人可以平復吓先」。