政情：公民講場：「高」調考慮落閘 疫苗勢掀波瀾

二○一三年「限奶令」風波引發中港矛盾，食物及衞生局局長高永文為眾矢之的，備受壓力，佢亦曾經喺接受傳媒訪問時承認中港矛盾問題令佢非常困擾。不過，對於近日因為內地「黑心疫苗」影響，令大批非本地兒童蜂擁來港接種疫苗，高永文就話政府會密切監察非本地兒童在母嬰健康院接種疫苗嘅情況，若本地兒童服務受影響，政府會隨時考慮「落閘」！高永文似乎「見過鬼」未怕黑，莫非佢唔驚疫苗又再掀起另一場風波？