政情：楊哲安送三女放洋避「怪獸」

Jeremy解釋，佢同Nicola都浸過鹹水，認為透過放洋可以訓練獨立生活。雖然佢哋安排三個囡囡，除咗一歲孻女，七歲Lucy及五歲Lily就分別就讀聖士提反女子中學附屬幼稚園及小學，但兩夫婦都有諗過將來或會送佢哋去外國讀書，除咗訓練獨立外，原來仲同佢哋嘅育兒理念有關。

Jeremy夫婦冇幫囡囡安排好多興趣班或playgroup，但對比其他家長，佢哋疑似被人杯葛，所以怕咗班怪獸家長，呢個係其中一個安排囡囡去外國留學嘅原因。至於另一個理由，估唔到係同旺角暴亂有關，Jeremy話見到電視片段，暴徒同警方激烈鬥爭，好擔心囡囡將來參加埋一份喎。