柴灣：公園雨後積水 衞生堪憂
「我間中都會落嚟呢個公園仔坐吓做吓運動，貪佢方便得嚟又夠清靜，但係有晚落完雨，我第二朝落到嚟，見到公園成個沼澤咁，好大攤水浸晒啲設施！」居於柴灣的黃女士指出，怡泰街休憩處內有健體設施於雨天後留有大攤積水，導致居民難以使用，亦影響環境衞生。
排水口淤塞 康署已清理
康樂及文化事務署發言人表示，該長者健體園地因有雜物淤塞地底排水口引致積水，而經徹底清理雜物後已沒有積水問題，並強調已加強清潔及巡察的工作，防止園地再次積水。
「希望佢哋勤啲清理，諗啲方法改善吓，唔係遲啲夏天落雨落得更加犀利，到時又水浸又惹蚊蟲，就白白嘥咗個咁好嘅公園！」黃促該署繼續跟進並加強清理，以免積水問題再次出現。