立法會今年換屆，現任議員都差不多要決定係咪競逐連任，金融服務界議員張華峰（肥老闆）就話，現時仲考慮緊選唔選，亦開始收集外間嘅意見，相信九月選舉同一二年選舉一樣，都會有多位候選人競逐。不過，佢話多人爭位仲好，免得被人話無對手下零票當選喎。講真嗰句，就算有多位候選人爭位，都係幾百票，難道就可以避免批評為小圈子選舉咩？其實多位功能界別議員都係零票自動當選喎，唔知肥老闆係咪寸緊佢哋呢？
