無標明尺寸 渣馬衫惹不滿
「網上申請時又冇講大中細碼嘅尺寸，我咪揀番上年嘅尺碼，點知今年改咗款，一着上身就鬆拋拋，點着去跑步呀！」渣打馬拉松為選手提供比賽衣服，參加者蕭先生於領取選手包後發現比賽衣服衣不稱身，始悉今年衣服設計有所不同，遂要求更換卻被拒絕，不滿該公司未有考慮參加者的需要。
稱實際尺寸或因設計而不同
渣打香港馬拉松2016籌備委員會發言人表示，大會按慣例根據一般亞洲人的身材及尺碼訂製比賽衣服，而實質尺寸有可能因每年的設計及款式而有所不同，由於各尺碼的比賽衣服均數量有限，對於未能獲分配較合身的比賽衣服尺碼，發言人敬請參賽者見諒。
「佢哋應該網上寫明尺碼嘅資料，我哋揀嘅時候可以度清楚，如果着住唔啱嘅衫去跑好容易整傷。」蕭先生建議籌委會明年在網上清楚列明比賽衣服尺碼資料，避免產生誤會。