政情：公民講場：橄欖舞龍獅 唔使靠「盛事」

連續第六年舉行嘅龍獅節尋日登場，今年係第二年無申請盛事基金資助。早前龍獅節曾遭審計報告批評財政混亂，身兼龍獅節籌委會召集人嘅立法會議員陳鑑林（橄欖）就辯稱，無申請盛事基金與審計報告無關，純粹係因為時間未能配合，以及自籌經費可減少行政工作，靈活運用資源喎，莫非橄欖覺得申請盛事基金手續太麻煩？其實身兼盛事基金主席嘅立法會議員林健鋒作為建制派一員，如果早知道咁麻煩，相信事前都會向友好單聲，或者連佢自己都始料不及。