不過，我哋聽聞劉國勳考慮後都係做番「乖孩子」，選舉當日更有意帶領年輕黨友提名蘇西智出任主席。乜咁反高潮？
我哋向劉國勳求證，佢承認近年世代交替呼聲高，無論黨內兄弟以至領導層對佢都有所期待，但認為假如蘇西智暫時無意退下火線，為顧全大局都會尊重前輩決定，相信其他同事都會繼續支持。佢又話，從政除咗做區議會主席，仲有好多平台畀佢發揮，唔存在被勸退，最緊要建制派團結、穩定。
問及發揮空間大賣關子
至於係咩其他平台令劉國勳甘心做「乖孩子」唔爭位，佢就大賣關子，淨係話來日方長，仲有好多機會。北區副主席人選，相信會由粉嶺鄉事委員會主席李國鳳，接替侯金林接任副主席。