立法會財務委員會明日第四度審議創新及科技局開局撥款，多名激進泛民主派議員早已準備逾二百項動議進行「拉布」，相信商務及經濟發展局局長蘇錦樑會好頭痕。立法會大會方面，港府本年度計劃提交十二條草案，比上年度大減四分一，但由於今年係本屆立法會最後一年會期，啲草案喺明年七月前通過唔到，就會自動失效，令泛民藉「拉布」玩殘政府嘅誘因大增。該十二條草案當中，有多達七條都係由財經事務及庫務局負責，該局局長陳家強「孭重飛」，隨時繼蘇錦樑之後成為「拉布」目標。
