辰巳奈都子學做煮飯婆

每個男人都希望辛勞工作後,返到屋企有人為自己預備好一頓豐富晚餐,當然煮呢餐飯嘅煮飯婆一定要烹飪了得,若然有美貌又有好身材就更加完美喇!咁樣好高要求?小弟絕對唔認同囉,因為符合晒上述條件嘅女仔喺大家面前就有一個,佢就係辰巳奈都子喇!

魅力非凡

日本水着界好多新人都鮮嫩又好波,加埋一副卡娃依面孔真係殺死人,之不過,講到「殺傷力」佢哋卻同好多老一輩女優相差甚遠,原因係佢哋出道時間愈長,所醞釀出嘅攝人魅力愈強,大家睇吓山本梓、杉原杏璃就知喇。除咗呢兩位之外,魅力驚人嘅仲有辰巳奈都子。今年27歲嘅奈都子,出道12年,雖然好多女優年紀比佢大,但係都要叫佢做師姐,而現役女優叫奈都子做阿姐更加唔過分,因為佢的確有資格稱后,論美貌,擁有一副迷人面孔,氣質妖媚艷麗,具有攝魄勾魂之美;論身材,奈都子唔算係巨乳級,但係纖巧兼具曲線美嘅胴體夠勻稱,美態撩人,配合埋銷魂表情,擺出每一個姿勢都充滿誘惑。

一心轉型

剛才提及過,奈都子好早就出道拍寫真以及做模特兒,同時佢憑住良好嘅音樂底子而成為少女組合櫻花Mint's嘅成員。2007年長得亭亭玉立嘅奈都子參加選美比賽Miss FLASH,順利獲得冠軍,從此之後,喺水着界聲勢一時無兩。之不過,好多同奈都子合作過嘅工作人員都表示反感,有說係佢說話太寸,又鍾意窒人,而最乞人憎係佢同人笑騎騎,點知一轉個背就講對方是非。雖然唔知種種傳聞係真定假,抑或係大家唔抵得奈都子咁索而中傷佢,總之就影響到佢工作量唔多。可能就係因為咁,奈都子今年嘅生日願望係希望自己嘅廚藝進步,一來係想用美食吸引男友快啲向佢求婚,等自己可以做煮飯婆,二來仲可以睇吓有冇機會搵個烹飪節目做吓喎。

個人博客

簡介:辰巳奈都子經常喺博客上載自己飲飲食食嘅情報,睇嚟佢真係幾得閒喎!之不過,計我話阿妹咁有心情吃喝玩樂,不如努力接多幾份工作做好過啦。

網址:http://ameblo.jp/tatsuminatsuko/

辰巳奈都子Profile

年齡:27歲

身高:5呎3吋

三圍:33-22-33

撰文:賢