政情：今日你上鏡：高永文畫功十足小學雞

專搞食物回收嘅社企「惜食堂」早前舉辦罐頭包裝設計比賽，除咗邀請本地幼稚園同中小學生參與之外，仲搵到好幾位城中名人同高官，齊齊於罐頭嘅包裝紙上作畫，以傳遞正面訊息，遲啲仲會放上網拍賣。食物及衞生局局長高永文都有參加，佢畫咗一幅戴眼鏡嘅自畫像，不過點睇都唔似佢，加上畫功幼嫩，字迹生疏青澀，猶如出自小學生之手。唔知佢係特登玩童真，定係唔小心自暴其短呢？