政情：陳勇紀念抗戰罷買日貨

日本汽車較平可考慮

陳勇話，為免觸碰到老一輩人嘅傷口，所有喺戰爭時期已經有嘅牌子一般都唔會買。佢話，好似平日最常用嘅手提電話，佢一定唔會用日本牌子，所以佢用緊嘅兩部電話分別係內地同韓國牌子；至於冷氣機同雪櫃等電器，佢話市面上有五花八門嘅產品，買嘅原則係「優先唔揀日本嚟嘅」。

雖然陳勇主張罷買日貨，但都好理性嘅，好似日本牌子嘅汽車就比較平，為咗荷包着想都可以考慮下。不過，佢就唔鼓勵大家透過破壞日貨嚟宣洩個人情緒，因為做法得不償失。