觀塘：體育館亂放鐵閘活門易釀禍

楊小姐早前到觀塘瑞和街體育館使用康體設施，發現有一鐵閘門被置放於大堂，未有繫繩以作固定，「個大堂咁多人出入，又冇嘢綁實佢，道門鐵造o架，一陣有小朋友貪玩去搞道門，跌落嚟壓親人就好大件事！」楊更指曾向職員反映問題，惟最終仍不了了之，鐵門仍然繼續擱於大堂的牆壁。

康樂及文化事務署發言人表示，有關的鐵閘活門屬體育館大堂鐵閘的一部分，體育館每天關閉後，場地職員均會落下鐵閘活門。發言人指已提醒場地職員在體育館開放期間將鐵閘活門存放於儲存室內。

觀塘區議會文化、康樂及體育事務委員會委員顏汶羽直指康文署製造不必要的危險，「好應該一早就放喺儲物室，就算要放喺大堂都要妥善啲，要搵嘢綁好同唔好畀人行埋去！」