房署調遷 欠宣傳惹誤會
江先生為公屋住戶，早前申請房屋署的改善居住空間調遷計劃，並接獲信件通知可揀選單位。江先生按信件所示日期到房署作揀選，「我專登請假去揀樓，點知剩番大澳先有啱我哋屋企人數嘅單位，有得揀等於冇得揀，仲嘥咗我一日！」
剩餘單位須上網查閱
房署發言人表示，於改善居住空間調遷計劃進行自選單位程序期間，每日皆會更新剩餘可供揀選單位名單，並上載至房屋署網頁。有關安排在發給申請人的「自選單位通知書」內夾附的「申請人須知」已清楚說明。另外，如發現剩餘單位並未有符合申請人家庭人數編配標準的單位時，亦會透過短訊或電話作出通知。
房委會資助房屋小姐委員會委員柯創盛指出，居民未有檢閱清楚須知細節，本身雖有一定責任，但事件亦凸顯房署宣傳仍有不足，「有得及早知仲有咩樓揀梗係好，但個制度冇人知就會變咗冇用，房署喺呢方面就要諗諗辦法加強宣傳！」