政情：今日你上鏡：暢遊意國 「Tree根」一樣被抽水

立法會暑假期間休會，好多議員都會趁機外遊，仲不時上載相片到社交網站。建制派議員鍾樹根近日就去咗意大利玩，飽覽當地嘅旅遊景點，包括亞西西教堂、比薩斜塔及佛羅倫斯等，加埋佢件螢光粉紅色衫，真係夠晒搶眼。唔好以為樹根去咗旅行，香港就冇人記得佢，事關路政署上星期突然斬去半山般咸道四棵石牆樹，現場只剩下一堆樹根，唔少網民就「Tree根」前「Tree根」後，唔知樹根喺嗰邊有冇眼眉跳呢？