俗語話「執輸行頭，慘過敗家」，公民黨（公文袋）可以話係呢期嘅佼佼者，遠嘅有鉛水事件，莫講話飲頭啖湯，就連其他泛民主派搞嘅記者會都冇佢哋份。到路政署上周突然斬去半山般咸道四棵石牆樹，公文袋等人又到尋日先去申訴專員公署投訴同追究責任，可能想等幾棵樹「頭七」回魂，問個清楚。其實選舉在即，各黨派對大小民生議題都非常着緊，但公文袋喺處理鉛水同斬樹兩大議題上都慢幾拍，唔通個個掛住放暑假去玩？抑或該黨真係散散哋呢？
