前立法會議員黃成智因為撐政改「袋住先」而被踢出民主黨（白鴿黨），佢計劃連同前黨友狄志遠、葵青區議員周奕希、前白鴿黨總幹事陳家偉籌組一個溫和泛民主派政黨，預備搶攻區議會及立法會選舉。新政黨嘅幾個核心人物前幾日就去咗台灣搞集思會兼旅行聯絡感情，成智仲帶埋囝囝同行添！四日三夜行程中佢哋去咗花蓮同平溪十分，去到十分當然要放天燈許願啦，天燈上面寫上「不要講、只要做」，但似乎唔多似許願喎！
（互聯網）
