究竟係身材好嘅女性先至可以練鋼管舞，定係鋼管舞可以練就出玲瓏浮凸嘅身材呢？內地辣模于姬就話兩者其實並無因果關係。事關以佢為例，擁有前凸後趷嘅火辣身材，不但喺模特兒界有極高嘅吸睛能力，而喺鋼管舞台亦輕易引嚟大家目光，憑着嘅無非係誘人外形同出色舞技。
嚟自杭州英文名叫Una嘅20歲索模于姬，唔知係咪得自杭州地靈人傑嘅特點關係，不但擁有俏麗嘅樣貌，身材更係相當有睇頭，尤其係一對35F嘅車頭燈，更係輕易成為大家嘅焦點。事實上，呢位擁有出眾外在條件嘅索女，喺去年先至正式投身模特兒界。雖然作為一位新丁，但佢嘅表現不但相當淡定，更憑住各種性感制服造型，同埋大方展露迷人身材，成功令佢喺模特兒界打響名堂，甚至有網民稱佢為新一代「虞姬」（因為普通話中嘅于姬同一代美人虞姬嘅讀音近似），足見佢喺大家心目中魅力有幾咁非凡。除咗拍攝平面寫真外，佢亦積極朝平面廣告、雜誌廣告、微電影等商業及藝術範疇進軍，目的不僅為咗令知名度提升，亦希望能展現出佢更多嘅潛能。
話說回來，點解呢位新進女模喺拍攝寫真時，表現得咁淡定呢？原來佢除咗係模特兒外，仲有另一個身份，就係專業鋼管舞導師。據聞佢早喺多年前已經練舞，而習鋼管舞則係喺前年先至開始。不過受助於以前嘅練舞根基，加上後天嘅努力，故此好快就上手，舞藝更係相當出色，更何況本身擁有迷人曲線身材，跳起鋼管舞時更覺誘人。可能有人覺得既然佢擁有咁好嘅舞蹈實力，點解仲要投身模特兒界呢？呢點應該同佢嘅性格有關。佢自稱好享受喺人前表演嘅感覺，雖然拍攝寫真同跳舞係兩種唔同嘅演出，但佢哋嘅核心部分都係表現自己，加上佢希望透過呢啲方法，從而表現出自己嘅優點同長處。
于姬不但擁有出眾嘅外在條件，仲係一個好顧家嘅靚女。事關佢早前喺個人微博上透露，呢排好掛住屋企，好希望抽時間返去陪屋企人，單係呢種顧家嘅性格，已足以令男士心動不已。如果想知道呢位爆乳女郎最新近況，就要追蹤佢微博嘅最新留言。
網址：www.weibo.com/una52
出生地：杭州
身高：165cm
三圍：35、24、35
撰文：魂