政情：收料站：發叔重病傳聞 真冇口德

「最近對腳冇力 唔出席場合」

據知年屆七十九歲嘅發叔精神狀態對比上月預告交捧畀「發仔」劉業強之前，的確係差咗少少，發叔上月因此一度進出九龍塘大宅附近嘅浸會醫院進行身體檢查。亦有消息話發叔年紀已經有返咁上下，對腳最近唔聽話「冇力」，無謂成日撐住拐杖出席公開場合唔好睇喎。我哋成功聯絡到發叔，佢聽到有關傳聞就笑笑口話「冇，我聽日仲去立法會投票！」。

事實上，發叔卸任鄉議局主席前後多次甩底公開活動，引起謠言都唔出奇，但若建制派議員為離場無就政改方案投票一時借發叔病重「過橋」，刻意誤傳老人家病重等於惡毒詛咒，實在無口德。