咪以為童顏巨乳係日本女優嘅專利，其實喺內地同樣有令人心跳加速嘅童顏巨乳，佢就係擁有F罩杯嘅嫩模朱可兒。呢位國產代表人物，不但擁有令人心動嘅外形，擺起甫士嚟更係將美態殺傷力幾何級數提升，難怪被視為未來嫩模界嘅潛力股。
呢位喺浙江杭州出生，現年20歲嘅嫩模朱可兒，擁有Barbie可兒、朱可、Flower等嘅暱稱，只係佢嘅名字雖多，但不變嘅卻係佢如天使般嘅童顏，以及前凸後趷嘅魔鬼身材，尤其係一對37F嘅巨乳，更係成名本錢。雖然佢自稱做嘢慢人半拍，普通話又非常差，甚至自認波大冇腦，但實情卻並非如此。事關喺2012年畢業於湖北第二師範學院嘅佢，論學歷一啲都唔低，而講到工作資歷更係相當多，不但做過相當長時間嘅模特兒，更經常喺各種男士、潮流及時裝雜誌上，以清純性感嘅形象亮相。若然真係如佢所講咁低智商，試問又點可能應付到如此沉重嘅工作量呢？當然，佢之所以咁講最重要嘅原因，就係因為男人天生有種保護欲，每當面對如此楚楚可憐嘅索女時，呢種原始本能就會被喚起。
從佢出道之初，就以童顏巨乳嘅形象示人，並且喺模特兒界贏得甚高嘅人氣，只係講到真正成名，則要數喺去年7月底於上海舉辦嘅大型電子遊戲展覽會Chinajoy。當時以Show Girl身份參與盛會嘅佢，憑住得天獨厚嘅童顏巨乳魔力，不但成為會場嘅焦點，而相片流傳網上之後人氣更係不斷攀升，連帶個人微博粉絲數字亦直線飆升。不過咁仲未夠，跟住落嚟嘅10月同11月，佢更連續推出兩套極為大膽嘅寫真集，前者係一輯超級火辣嘅性感海灘相，後者更係大露出嘅房間照，當中虛掩兩點嘅一幕睇到唔少網民流晒口水，從此奠定佢嘅地位。雖然佢多番表示，希望大家能將焦點從佢嘅外形，回到氣質之上，但老實講，佢咁出眾嘅外形叫人點可以唔被吸引住呢？
朱可兒希望大家欣賞佢嘅美態同時，可以更多留意佢嘅內在美，只係好老實講，呢點真係有啲強人所難，試問有個咁索又好身材嘅靚女喺面前，又點可能唔望多幾眼？如果大家有興趣知多啲關於佢嘅事，不妨上去佢個微博，了解呢位童顏女神嘅生活啦！
網址：weibo.com/weusbarbie
出生地：浙江杭州
身高：165cm
三圍：37、25、36
撰文：魂