政情：今日你上鏡：廠商會梁世華 回巢首現身

退休未夠兩年後重返香港中華廠商聯合會出任行政總裁嘅梁世華（Paul），尋日回巢後首次公開現身，同廠商會會長李秀恒、副會長兼展覽服務公司主席戴澤良等人一齊為天津工展會搞宣傳騷。Paul啱啱返工三星期，佢話同事都冇咩大改變，只有一、兩個較新嘅同事要重新認識，但影響不大。嚟緊天津工展會就係佢重返後第一個幫手搞嘅大型活動。佢話，今次本來預算帶四十名大學生到天津參與工展會，但估唔到反應太好，結果人數就加碼至六十二名。