最高法院前首席法官楊鐵樑（楊官）近年好少就香港政制問題發表意見，但喺泛民主派上深圳見京官前夕，佢就喺電台節目中罕有論政改。楊官話，政治制度不同於政治理念同理想，係無所謂真或假，不能一步到位，要用柔性嘅溝通取代鬥爭或對抗嘅態度係必要之舉。唔知楊官係咪想叫一直對政改立場「硬」到冇人有嘅泛民議員要好似耍太極咁，以柔制剛呢？
