倒吊撻床 外傭虐B短片瘋傳

「好心痛 睇到眼火爆」

有網民在Facebook群組「幼兒二手自由交易站」上載短片，報稱有外傭虐待BB，片長不足一分鐘，疑似外傭把一名幾個月大的嬰兒拋來拋去，嬰兒發出淒厲哭聲。上載短片的Michelle Fu說：「啱啱收到一條朋友轉發過來嘅短片，入面嗰個相信係女傭嘅人係度虐待個BB！想問吓有冇人知道有咩方法可以舉報她？或者share 呢個post, 等BB父母見到，將佢繩之於法！」

虐B短片引起網民熱烈討論並瘋狂轉發，「好驚睇呢啲o架！睇完好心痛呀！」、「黐Ｘ線，要即刻報警，睇到眼火爆！」、「影嗰個都好有問題！睇到好心痛！希望快啲畀媽媽知道，報警同炒咗個工人！」、「咁搞個BB會好易得腦部搖晃症~會腦死嘅，會變植物人o架！」、「搞錯呀，唔重傷都內出血啦，拉佢去坐監啦！」

另外，亦有網民在「香港外傭僱主正向交流區」上載相片，指東鐵上有外傭只顧玩手提電話，並無理會其少主，希望其僱主看到。