政情：蛇齋餅糉 英實習政客驚訝

Benedict係英國自由民主黨黨員，打算喺二○二○年參選國會議員。講開選舉拉票，佢話英國通常都係搞籌款活動，好少會派禮物拉票，當佢聽到香港有蛇齋餅糉呢樣嘢時，就表現得好驚訝。

在港三日 無緣見識

其實Benedict喺香港嘅實習生涯只有三日，尋日第一日返工就去到立法會四處參觀，觀摩吓香港立法機關運作，之後就會轉去澳洲實習。聽講Benedict嚟香港主要做辦公室工作，亦會睇吓同事嘅英文文法有冇錯，加上英國同香港嘅議會運作有啲相似，所以大家都會交換吓諗法。至於香港選舉中出現蛇齋餅糉嘅情況，佢話英國唔係完全冇，但就唔會咁明顯，可惜佢喺香港時間好短，否則可以見識吓喇。