模影模蹤:秦瑞穗 極品遊戲王

所謂難得糊塗,做人其實唔需要成日都咁緊張,畀自己咁大壓力,有時學吓點樣遊戲人生仲好啦!至於點先算係遊戲人生?我會選擇花天酒地,大家亦可以學吓近期性感大爆發嘅水着妹秦瑞穗咁,沉迷卡牌遊戲。

完美體態

令男人慾火滿腔嘅女人未必一定要上圍激凸,勻稱嘅身材其實嚟得更加誘人同吸引,好似喺日本水着界人氣長期高企嘅山本梓、杉本有美同小松彩夏就係屬於呢類型喇!嫌佢哋年紀漸大,唔夠青春活潑,後進女優當中仲有一個極佳嘅好選擇,佢就係秦瑞穗喇!秦瑞穗年方廿五,面孔清秀,散發出一股書卷氣息,由於佢眼神精靈,睇落唔覺孱弱病態,反而覺得佢活潑開朗。出道拍水着寫真多年嘅秦瑞穗除咗樣子愈來愈有味道,身材仲愈來愈弗,一副33D-23-34胴體婀娜多姿,曲線優美之極,加上皮膚白嫩,比起好多巨乳系女優更為吸引,如此極品體態世間難尋。

玩物喪志

秦瑞穗喺2005年加入水着界,契機係參加一個叫做Yellow Taxi嘅選美比賽得到冠軍,大家都好難估到佢已出道足足十年咁長。阿妹憑住俏麗面孔及身材,成功俘虜廣大水着迷,之後仲搵到入屋機會。踏足電視界拍咗唔少特撮式劇集,例如《轟轟戰隊》、《侍戰隊》、《特命戰隊》等,其投入又認真嘅演出更得到電影業人士安排演出機會,電影作品《腐女子彼女》、《聖家族~大和路》都可以見到秦瑞穗嘅身影。不過,最為人熟悉嘅就係介紹電器嘅電視節目《家電's Walker》喇,原因係阿妹甜美又清新嘅笑容令人精神一振嘞。不過,大家唔好睇阿妹斯斯文文就好乖女喎。佢係一名狂熱嘅動漫迷,以及卡牌遊戲《遊戲王》嘅愛好者,據聞佢收集嘅卡牌可以載滿一個旅行篋,不時同其他愛好者玩到通宵達旦。

個人博客

秦瑞穗除咗會喺博客發表最新動態,仲會上載自己繪畫嘅插畫,大家得閒不妨Click上去欣賞一下。

網址:http://ameblo.jp/mizuho-hata/

秦瑞穗Profile

年齡:25歲

身高:5呎3吋

三圍:33D-23-34

撰文:賢