廢官周一鑊自出任平機會主席以來，負面新聞、醜聞不斷；早前提出所謂「事實婚姻」、「族內歧視」已惹來極度爭議，前者鼓吹婚姻以外嘅關係，甚至變相把「包二奶」合法化，亦有人認為若法例涵蓋同性「事實婚姻」關係，則變相是為同性婚姻開綠燈……後者更加為中港矛盾添柴加油，事關腦殘廢官想將內地個人遊、新移民納入種族歧視條例保障範圍。
香港社會向來極少種族歧視，如果因為一些互相嘲笑的指稱而要立法保護國內同胞，明顯係「捉蟲」，更是對內地人最大的歧視。呢，最近廢官又點起性別歧視火頭，去年資助婦女關注團體審視過去二十多年來本港傳媒資訊文獻，報告指傳媒對兩性的定型帶來負面影響喎，如女性被塑造為持家有道嘅「模範人妻」，令在職女性倍感壓力云云；傳媒使用「o靚模」、「港女」等稱呼，影響女性自我形象喎；又如刊登瘦身廣告致使不少女性為了減肥而飲食失調……
此外，報告又臚列了一些「阿媽係女人」嘅數字，以證明香港確有性別歧視，並揚言要「推動傳媒自我監管」云云！老朽對廢官嘅「庸人自擾之」都唔知好笑定好嬲，腦裏浮起一個笑話，話說某人右眼跳了三天，心裏一直不踏實，於是去看眼科醫生，醫生檢查後說：先去看大腦有沒有問題吧！某人慌了：難道是大腦影響的？醫生一臉不屑：腦子沒問題能左右不分？對於廢官，佢根本分不清何謂「歧視」，藉一個無厘頭嘅調查，竟然雞毛當令箭，羅織罪名污衊傳媒，明顯打壓新聞自由！
港府管治無能，廢官濕柴怎會燃出火花呢！周一鑊明明係廢電池，竟一再委以重任，其滑稽處，就好似出外倒個垃圾也要穿得恍如去奧斯卡頒獎典禮咁！周一鑊只擅長「擺爛學」，廢電池一腳踢去垃圾堆填區，香港自然寧靜也。