政情：公民講場：忍拉布兩年苦不堪「賢」

立法會激進派就政府財政預算案撥款「拉布」已經係第三年，漁農界議員何俊賢（高佬賢）尋日就喺社交網站重溫兩年前、即一三年四月嘅貼文。當時嘅貼文話，「拉布」真係虛耗光陰，搞到佢想睇書又唔得，因為會違反議事規則，想食飯又唔夠時間，因為一餐飯嘅時間都可以響三、四次鐘點算會議法定人數。高佬賢尋日仲好慨嘆咁反問，今日嘅畫面同兩年前有咩唔同呢？講到呢兩年好似受盡折磨咁，其實建制派輪流去食飯係咪真係咁艱難呢？