政情：陳繁昌試玩陳易希新作

當年憑機械人發明一鳴驚人嘅陳易希話，自己畢業後就同朋友合夥開科技公司寫Apps，創業半年已經有錢賺，上年公司生意額差唔多有八位數字，淨賺咗七位數，仲話適當時機會考慮將公司上市。

除咗試玩陳易希公司研究嘅影相系統，一身西裝打扮嘅陳繁昌隨身有頂印有科大英文縮寫嘅鴨咀帽，佢自言私底下好鍾意鴨咀帽，尤其有科大標誌嘅帽，一來不怕曬親個頭頂，仲可以推廣學校喎。