歷時七十九日嘅佔領行動去年十二月中結束，要求加強關注青少年同國民教育聲音此起彼落，教育局局長吳克儉（吳得掂）尋日出席活動時突然火氣十足，話佔領行動提醒香港要栽培高知識、有見地、有貢獻心及有良好操守嘅人，又提到政府只係擱置國民教育課程大綱，並無刪除。吳得掂於佔領行動期間，又唔見佢行得咁前暗批佔中者，事隔近三個月慢咗幾拍先至咁勇猛，旨意佢第一時間撥亂反正就慘嘞！
