- on.cc 東方互動主頁
- 4月2日 (三)
立法會議員蔣麗芸（阿Ann）早前於新春團拜時高歌已故歌手梅艷芳的歌曲《心債》，一鳴驚人，蔣麗芸胞妹、前歌手蔣麗萍爆料，自己當年參加歌唱比賽源於阿Ann鼓勵；阿Ann則話，自知胞妹唱功較好，因此決定「讓路」，否則有機會包攬比賽冠、亞軍。
阿Ann於個人會客室節目中訪問胞妹蔣麗萍，蔣麗萍透露，自己加入娛樂圈，受到阿Ann影響好大，因為阿Ann喜歡唱歌，佢本人反而係跟住唱，爆料指當年參加歌唱比賽，都是源於阿Ann鼓勵。
不過，阿Ann即時補充指，其實當年蔣麗萍已報名參加比賽，其後問及係咪有意一同前往，佢笑言如與胞妹一同參加比賽，萬一冠亞軍都贏晒，咁咪冇人幫父親蔣震做工廠，加上胞妹於歌唱方面有潛質，而且唱功較佢好，所以最後決定「讓路」。
阿Ann與蔣麗萍其後談及去年佔領運動，蔣麗萍形容，感到青年人內心有股怒氣，有憤憤不平的心，認為佢哋於心靈上有所需要，因此佢聯同多名藝人舉辦音樂佈道團，分享如何尋找生活價值、平安、喜樂等。
卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
