政情：公民講場：一簽多行水貨客 「煥」言之不同

每日有唔少旅客經一簽多行或個人遊來港觀光同購物，令香港多區經常人滿為患，加劇咗中港矛盾。繼早前有市民發起「光復屯門」及「光復沙田」後，又有網民發起「光復元朗」行動，今日踩入元朗反水貨客，引來社會熱烈討論。行政會議召集人林煥光（WK）尋日承認，水貨活動影響民生，但警告大家唔好將一簽多行嘅旅客等同水貨客，必須小心論證，意思係冇證據就唔好亂講。話時話，WK又有冇數據支持自己嘅講法呢？